Jepet vendimi për për anëtarët e grupit “Habilaj”, të cilët u akuzuan për trafik droge dhe bashkëpunim në kuadër të grupit të strukturuar kriminal.
Moisi Habilaj është dënuar me 10 vite burg.
Nezar Seiti është dënuar në total me 9 vite burg e po ashtu edhe Meridian Sula.
Po me 9 vite burg është dënuar edhe anëtari tjetër i grupit, Fatmir Minaj.
Ka qenë Gjykata e Posaçme kundër Korrupsionit ajo që ka dhënë dënimin për këtë grup i cili u përfol edhe si i lidhur me ish-ministrin e Brendshëm, Saimir Tahiri.
Të dënuarit nga kanë përfituar nga gjykimi i shkurtuar.
Grupi “Habilaj” u godit në tetor 2017 në përpjekje për të trafikuar një sasi të konsiderueshme droge nga Shqipëria në brigjet italiane.
Asnjë nga anëtarët e grupit nuk ndodhet në Shqipëri. Disa prej tyre po përballet me drejtësinë italiane, ndërsa Moisi Habilaj, i konsideruar prej hetuesve italianë si drejtuesi i grupit shqiptar të trafikut të drogës, është në kërkim policor. Ky i fundit u arratis duke thyer masën e sigurisë së arrestit shtëpiak, dhënë ndaj tij nga autoritetet gjyqësore italiane.
