Një ngjarje e rëndë është regjistruar ditën e sotme në Kaninë të Vlorës.
Ngjarja ka ndodhur rreth orës 10:00, ku një e moshuar, 80-vjeçare, e cila jetonte vetëm është hedhur nga ballkoni i shtëpisë dhe për pasojë, është në gjendje të rëndë shëndetësore.
Bëhet me dije se 80-vjeçarja që në momentin e ngjarjes është nisur drejt Tiranës dhe ka kaluar në paralizë.
Vetë fqinjët tregojnë se e moshuara jetonte e vetme pasi djalin dhe vajzën e kishte në Itali.
Po sipas tyre gjendja e saj ishte rënduar pasi kishte humbur dy fëmijë të tjerë pak muaj më parë.
“E kishim fqinje, jetonte vetëm.Ka një djalë, e ka në Itali. Edhe vajzën të martuar në Itali. Dy fëmijë i kanë vdekur para 1 muajsh, 2 muajsh, ikën të rinj. Vuante nga depresioni”.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.