Moderatori, aktori dhe producenti, Ermal Mamaqi i është përkushtuar fushës së kinematografisë dhe shumë shpejt do të sjellë serialin e tij të parë, H.O.T që pritet të dalë në transmetim më 15 tetor.
Për Ermalin nuk ka qenë e thjeshtë të mbërrijë këtu ku është. Së fundmi ai ka treguar se ka qenë e pamundur të marrë një rol nga regjisorët shqiptarë.
I ftuar në “NIN”, Ermali tregoi se prej kohësh kishte dëshirë të ketë një rol në një projekt filmik, madje u lutej atyre ta merrnin në filma, por askush nuk e mori.
“Kisha shumë vite që i lutesha regjisorëve shqiptarë të më merrnin në filmat e tyre që unë të bëhesha aktor i një filmi se doja të bëja film dhe asnjëri nuk më merrte dhe thash ok po e mësoj dhe po e bëj vetë dhe i falenderoj shumë që nuk më kanë marrë sepse nëqoftëse do të më kishin marrë s’do e kisha provu kurrë këtë”, tregoi Ermal Mamaqi.
Kujtojmë se Ermali ka realizuar dy filma, “Dy gisht mjalt” dhe “I love Tropoja, dhe të dy kanë rezultuar shumë të suksesshëm.
