Ingrid Mustafa, bashkëshortja e të 32-vjeçarit të vrarë, Endri Mustafa, i cili u gjet i ekzekutuar buzë liqenit të Shkodrës në lagjen Guerrile gjatë paradites së djeshme, ka reaguar sërisht.
Ajo ka thënë se ka marrë një telefonatë nga fisi i Bajrajve ku i kanë deklaruar se nuk e kanë vrarë ata bashkëshortin e saj.
E reja është shprehur se nuk ka asnjë konflikt mes fiseve, ndërsa ka bërë thirrje që ngjarja të zbardhet.
“Po na fusin në konflikt fisesh. Na kanë telefonuar nga familja Bajri dhe na kanë thënë që vrasjen nuk e kemi bërë ne. Ne nuk kemi konflikt me asnjë fis. I bëj thirrje kryeprokurorit Olsian Çela të zbardh ngjarjen. 15 vjeçari i di të gjitha. Me atë ka ikur Endri. Nuk ngatërrohemi me fise”, tha ajo.
