Të tjera detaje janë zbardhur nga ekzekutimi i 32-vjeçarit, Endri Mustafa, trupi i të cilit u gjet në zonën e Livadheve, në lagjen Guerile të qytetit të Shkodrës.
Nga të dhënat e reja, zbulohet se viktima është qëlluar me 7 plumba, 3 prej të cilave në kokë, një plumb në gojë dhe 3 në gjoks.
Nga burimet e policisë lokale, mësohet se autorët e kanë qëlluar viktimën me një plumb në gojë, dhe më pas e kanë qëlluar në kokë dhe gjoks.
Ndërkohë në vendin e ngjarjes është gjetur edhe një pistoletë që dyshohet se është arma me të cilën është kryer vrasja si dhe 8 gëzhoja.
Ndërkohë në armë është gjetur edhe një plumb i pa shkrepur.
Policia njofton se po punohet për zbardhjen e plotë të ngjarjes në fjalë.
