Një aksident tragjik ndodhi pas mesnatës në Tiranë, afërsisht rreth orës 02:00 të këtij mëngjesi. Një automjet tip “Opel” i drejtuar nga i ndjeri R.K, u përplas përballë ish “Diplomatit”, në afërsi të kryqëzimit “Vasil Shanto”.
Dëshmitarët në vendngjarje pohuan se, automjeti, që vinte nga sheshi “Willson”, në drejtim të Tiranës së Re, po ecte me shpejtësi marramendëse dhe përplasja ka qenë shumë e fuqishme.
Shërbimi i urgjencës, i njoftuar nga patrulla policore, ka konstatuar se drejtuesi i automjetit ka humbur jetën menjëherë pas aksidentit.
Nga video e siguruar nga Rojtar.com, duken dëmtimet e shumta të automjetit, në anën e shoferit, që mund t’i kenë shkaktuar edhe humbjen e jetës
