Janë mbyllur 45 minutat e para të 5 sfidave të vlefshme për javën e 34-të të Kategorisë Superiore. Partizani kryeson 0-1 në “Niko Dovana” ndaj Teutës në sfidën që vlen shumë për fatet e titullit kampion.
Autori i golit për skuadrën e Dajës ishte Eraldo Cinari i cili realizoi në minutën e 25-të. Ndërkohë në sfidat e tjera, Skënderbeu kryeson 2-0 ndaj Apolonisë duke hipotekuar kështu fitoren, aq të rëndësishme në luftën për mbijetesë.
Në avantazh është edhe Bylisi, të cilët ndëshkuan Kukësin në minutën e 14-të me anë të Odirah Ntephe. Në dy sfidat e tjera, Tirana-Laçi dhe Vllaznia-Kastrioti ka munguar goli.
