Po luhen në këto momente sfidat e javës së 34-t të Kategorisë Superiore. Në “Niko Dovana”, Teuta po ushtron të vazhdueshëm mbi Partizanin duke rrezikuar disa herë portën e mbrojtur nga Alban Hoxha. Ky i fundit arriti të shmangë një gol të sigurt pas gjuajtjes spektakolare të Todorovskit nga distanca.
I jashtëzakonshëm portieri i “Demave”, që fluturon në trekëndësh dhe devijon topin në këndore.
Nga ana tjetër, goli i parë për këtë javë futbollistike është shënuar në takimin Kukësi-Bylisi. Ballshiotët kanë kaluar në avantazh në minutën e 15-të me anë të Odirah Ntephe.
