Prokurori i Përgjithshëm, Olsian Çela, ka zhvilluar sot një takim në Prokurorinë e Fierit, nga ku tha se shumë shpejt do të ketë përfundime konkrete lidhur me hetimet për krimet zgjedhore në zgjedhjet e 25 prillit.
“Ka pasur një numër të konsiderueshëm denoncimesh në prokurorinë e Fierit për krime zgjedhore. Ka pasur bashkëpunim dhe shumë shpejt do bëhen të ditura dhe është e rëndësishme që të tregohet transparencë dhe qasje tjetër”, tha Çela.
Duke sqaruar qëllimin e vizitës në Prokurorinv e Fierit, Çela tha se hetimet për denoncimet për krimet zgjedhore, ishin në qendër të takimit.
“E rëndësishme është hetimi korrekt për këto denoncime dhe transparenca ndaj publikut. Në Fier janë të konsiderueshme dhe çështja e dyte pastrimi i parave dhe evazioni fiskal, funksionimi i një seksioni të posaçëm që Prokurorinë e Fierit, mbulon hetimet për pastrimin e produkteve të veprës penale dhe evazionit fiskal.
Po kryhen hetime të rëndësishme edhe për kërkesat e ndërkombëtarëve për luftën ndaj pastrimit të parave, korrupsionit dhe krimit të organizuar”, tha Olsian Çela.
