Me fitoren ndaj Teutës, tashmë Partizani e ka në dorë vetë fitimin ose jo të titullit kampion. Atmosfera në klubin e kuq, është e shkëlqyer, me titullin që duket më afër se kurrë. Drejtori i të kuqve, Olsi Rama është shprehur se tashmë “demat” e kanë vetë në dorë për fitoren e titullit. Gjithashtu ai ka thënë se ajo që pa te lojtarët për arbitrat nuk është normale.
Ndeshja ndaj Teutës– Ishte një fitore shumë e rëndësishme pasi ishte mundësi jonë e fundit për të pretenduar titullin kampion. E kishim përgatitur ndeshjen në mënyrën më të mirë dhe kishim vetëm një zgjidhje që ishte të ktheheshim nga “Niko Dovana” me një fitore dhe ia arritëm qëllimit. Nuk ishim përgatitur vetëm nga ana fizike, por edhe nga ana morale që opsioni i vetëm në këtë takim ishte 3 pikëshi. Për këtë ndeshje nuk i trembesha asgjëje, pasi e kam ndjekur skuadrën. Na surprizoi nisja e vrullshme e Teutës, pasi unë personalisht prisja që ta nisnin në mbrojtje. Edhe gjatë kampionatit e kam thënë që më shumë frikë kam skuadrat e vogla.
Arbitrat– Pashë diçka që nuk është normale në dhomat e zhveshjes, ku sytë e lojtarëve sikur më thonin: ‘Ne po bëjmë punën tonë dhe ju nuk po na mbroni nga gjyqtarët që po na dëmtojnë’. Erdhi dje presidenti me vajzën e tij dhe ishte një takim normal.
