Një këngëtar i njohur në Brazil ka rënë nga dhoma e një hoteli në katin e pestë, vetëm dy javë pasi ishte martuar dhe ka gjetur vdekjen.
23 vjeçari Kevin Nascimento Bueno, i njohur ndryshe si MC Kevin, u shpall i vdekur pas incidentit në zonën bregdetare të Rio de Janeiro.
Artisti i stilit ‘funk paulista’ ra nga ballkoni i dhomës së tij në Barra da Tijuca të dielën. Zjarrfikësat që erdhën në skenë e dërguan atë në spital, ku vdiq pak më vonë.
Ai sapo ishte martuar me avokaten Deolane Bezerra në një plazh në Meksikë dy javë më parë.
MC Kevin, kishte 8.6 milionë ndjekësa në rrjetin Instagram.
Ai ka pasur më parë probleme me ligjin, teksa ishte akuzuar për shpifje e provokim të autoriteteve, si dhe ishte arrestuar në hotel në Belo Horizonte në 2019 për përdorim drogash.
Policia tha se po heton vdekjen.
