Evi Kokalari, një aktiviste e njohur shqiptare e republikanëve në SHBA ka reaguar në lidhje me mbledhjen e Kryesisë së PD-së ditën e djeshme ku u vendos një datë për zgjedhjet që do të mbahen për kryetarin e ri të demokratëve.
Me anë të një shkrimi në rrjetin e saj social, ajo e konsideroi këtë datë si të pamjaftusheme për t’u paraqitur kandidatura edhe nga diaspora dhe shtoi se në këtë mënyrë PD po mbahej peng nga kreu, Lulzim Basha.
Kokalari tha se PD ka nevojë për reformim dhe nëse kjo nuk ndodh atëherë, diaspora shqiptare do të krijojë një parti të re dhe do të shterojë deri në kulm atë demokratike.
“Lul Basha sot ndryshoj datën e zgjedhjeve për kryesinë e PD-së nga 22 Korrik që është me statut, në 13 Qershor. Data për paraqitjen e kandidaturave është 24 Maj, pra as një javë nga sot.
Konfirmimi i këtij ndryshimi u votua dhe aprovua nga anëtarë të cilët janë piketuar dhe zgjedhur nga Basha vetë. Kur kjo mbledhje përfundoj, e vetmja gjë që më vinte ndërmend qe “Byroja Politike & Plenumi” i radhës.
Dua haptazi të them që personalisht nuk kam asnjë interes të kthehem në Shqipëri, as të kandidatoj për kryesinë e PD-së, (siç pati frikë Basha), por di të them që PD-ja ka nevojë për ndryshim, reformim, dhe nëse Basha do ta mbaj peng, SUKSESE!
Diaspora dhe individ që përfaqësojnë të djathtën në Shqipëri, do mbledhin forcat, do krijojnë partinë e tyre duke dobësuar deri në shterim Partinë Demokratike.
Ndryshe, i sygjeroj Lulzim Bashës të lërë datën 22 Korrik për zgjedhje në mënyrë që Diaspora të dërgoj kandidatët e saj për këtë post.”
