Partizani ka zhvilluar në orën 17:00 seancën e fundit stërvitore në prag të ndeshjes së nesërme ndaj Teutës.
Një ndeshje tepër e rëndësishme për të kuqtë që luajnë fatin e sezonit pasi me një fitore do të rkthehen në vendin e parë. Të pranishëm në stërvitje kanë qenë edhe presidenti Gaz Demi dhe drejtori Olsi Rama.
Që të dy kanë ndjekur nga afër stërvitjen e skuadrës për t’i dhënë zemër lojtarëve para një ndeshje tepër të rëndësishme.
Pas përfundimit të seancës stërvitore, presidenti Demi dhe drejtori Rama kanë mbajtur një fjalim për t’i motivuar akoma edhe më shumë lojtarët para sfidës me Teutën.
