Një ngjarje e rëndë është shënuar në Maliq të Korçës. Burimet zyrtare bëjnë me dije se një fermer është plagosur pasi në tokën e tij shpërtheu një granatë.
39-vjeçari Hergert Spahiu, po punonte tokën me mjet bujqësor teksa në një moment ra në kontakt me granatën.
Kjo e fundit ka shpërthyer duke e lënë fermerin të plagosur. Ai menjëherë është transportuar në spitalin e Korçës me dëmtime në dorë.
Grupi hetimor po punon për të sqaruar rrethanat e ngjarjes.
