Thomas Tuchel, trajneri i Chelsea, pas disfatës në finalen e Kupës FA kundër Leicester City, foli në konferencë për shtyp:
“Ne jemi të zhgënjyer, por jo të zemëruar për lojën që kemi luajtur. Unë mendoj se performanca jonë ende mund të jetë e mjaftueshme për të fituar.
Sot ishim të pafat dhe kurrë nuk kemi fshehur se na duhet edhe kjo që të jemi në gjendje të fitojmë në këto nivele.
Për të qenë në gjendje të fitosh ndeshjet duhet të kesh brenda saj një episod në favor, detaje të vogla”.
Menaxheri gjerman tha fjalën e tij për vendimet e gjyqtarëve: “Te Ayoze Perez kishte një top në dorë, ndërsa te Ben Chilëell iu hoq barazimi pas një rishikimi të VAR. Kështu që për ndeshjen e dytë radhazi kishte një lojë hendbolli kundër nesh, por VAR nuk ndërhyn.
Kundër Arsenalit ishte një dhe gjithashtu sot. Këto janë episode që vendosin ndeshje. Ne ishim vërtet të pafat sonte”.
