Partizani po bën një sezon pozitiv deri më tani, teksa në 33 takime, ka grumbulluar 59 pikë. Të kuqtë renditen në vendin e dytë dhe besojnë te titulli.
Statistikat i japin të drejtë ekipit nga kryeqyteti, pasi kanë sulmin më të mirë në kampionat, me 48 gola të shënuar. Reparti ofensiv duket tejet cilësor, teksa rivali më i afër është Vllaznia, me 8 gola më pak.
Trajneri Ilir Daja e di mirë se ky është një tregues i rëndësishëm. Teksa jemi në fundin e sezonit futbollistik, tekniku ka ku të mbështetet, për të sjellë në shtëpi trofeun e shumëkërkuar të Kategorisë Superiore. Takimi i rradhës është ndaj Teutës, me datën 17 maj. /Newsport.al
