Konstitucionalistja Aurela Anastasi analizoi mbrëmjen e sotme në emisionin “Arnautistan” në MCN TV çështjen e shkarkimit të presidentit Ilir Meta.
Gjatë emisionit ajo tregoi se dy rastet që justifikojnë shkarkimin e presidentit janë një krim i rëndë dhe shkelja e kushtetutës. Siç shpjegoi Anastasi krimi i rëndë ka të bëjë me një vepër penale që bën presidenti, të cilat janë paksa të ndryshme nga akuza e shkelja e kushtetutës. Ndërsa në rastin e shkeljes së kushtetutës përfshihet edhe procedura parlamentare e shkarkimit.
“Dua të theksoj se Kushtetuta garanton ushtrimin e detyrave në mënyrë të pavarur nga presidenti. Në këto dy raste që janë krimi i rëndë dhe shkelja e kushtetutës. Krimi i rëndë ka të bëjë me një vepër penale që bën presidenti, të cilat janë paksa të ndryshme nga akuza e shkelja e kushtetutës.
Edhe pse nuk kemi pasur raste, ne kemi menduar se në rastin kur ka një krim të rëndë në procedurë do të përfshihet edhe prokuroria dhe gjykata. Në rastin e shkeljes së kushtetutës përfshihet procedura parlamentare e shkarkimit. Nga sa kemi parë nga kërkesa e paraqitur nga deputetët deri tani duket një procedurë shkarkimi për shkelje të rëndë të kushtetutës. Pastaj nëse ngrihen fakte të një krimi të rëndë është tjetër gjë”, tha Anastasi.
