Të hënën sytë do të jenë drejt Durrësit, atje ku do të luhet supersfida e javës së 24-të të Superiores mes Teutës dhe Partizanit.
Një ndeshje që do të vendosë shumë për fatin e ekipit që do të fitojë këtë sezon titulli kampion. Durrsakët gjenden në vendin e parë me 3 pikë më shumë se kryeqytetasit.
Një fitore e mundshme e të kuqve do t’i zhvendoste ata në krye duke qenë se kanë fituar në ndeshjet direkte. Pikërisht për këtë takim më i karikuar se kurrë duket Jasir Asani. Ylli i kryeqytetasve që shkëlqeu mbrëmë në “Air Albania” në derbin kundër Tiranës ka bërë një postim në rrjetet sociale.
Ai duket mjaft i motivuar teksa shkruan: “Të hënën ose kurrë”, duke treguar se në “Niko Dovana” do të luhet gjithçka për gjithçka.
