Në Kosovë, u konfirmuan të Premten dy viktima nga koronavirusi dhe 49 raste të reja të të infektuarve.
Instituti Kombëtar i Shëndetësisë Publike të Kosovës njoftoi se një rast i vdekjes u regjistrua në Mitrovicë dhe një në Vushtrri.
Rastet e reja pozitive rezultuan pas 1,835 testimeve.
IKSHPK-ja po ashtu njoftoi se në 24-orëshin paraprak, 310 pacientë janë shëruar nga koronavirusi.
Me këto shifra, numri i përgjithshëm i të infektuarve në Kosovë arrin në 106,803, i viktimave në 2,220 dhe i të shëruarve në 99,097.
Raste aktive aktualisht janë 5,486.
