Një 56-vjeçari, banues në Vlorë, është arrestuar nga policia pasi akuzohet se ka ngacmuar seksualisht një vajzë të mitur – 14 vjeçe. Burime zyrtare nga policia lokale konfirmuan këtë të Premte arrestimin e T.Z., 56 vjeç.
Ndalimi i tij u bë pasi blutë morën kallëzimin e vajzës së mitur, e cila ka treguar se është ngacmuar seksualisht nga 56-vjeçari.
“Nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit T. Z., 56 vjeç, banues në Vlorë, pasi ka bërë kallëzim një shtetase e mitur 14 vjeçe se ky shtetas e ka ngacmuar seksualisht”, thuhet në njoftimin e policisë lidhur me rastin.
