Mesut Ozil njihet si mjeshtër i asisteve, teksa shpesh kemi parë që nga hiçi të nxjerrë gola të sigurt.
Këtë ka bërë edhe ditën e djeshme në Superligën turke. Në minutën e 93-të, ish-mesfushori i Realit dhe Arsenalit, dhuron një asist spektakolar për Sise, i cili shënoi golin e vetëm për Fenerbahçen, në humbjen 1-2 ndaj Sivasporit.
Ozil hap një korridor për shokun e skuadrës, i cili i vetëm me portierin nuk e ka të vështirë të shënojë. Menjëherë asisti i dhënë nga 32-vjeçari ka nisur të bëjë xhiron në internet, ku të shumtë kanë qenë ata që e kanë shpërndarë me shpejtësi.
