Dashamir Shehi, kreu i LZHK, i cili morri mandatin e deputetit në zgjedhjet e 25 prillit, e cilësoi Edi Ramën një kufomë politike, ndërsa shprehet se edhe ata qytetarë që i dhanë frymëmarrje për një tjetër mandat, do të zhgënjehen brenda pak muajsh.
Për Fax News, Shehi shprehet se Rama si kufomë politike nuk mund të prodhojë kurrgjë për Shqipërinë.
“Disa prej tyre mendojnë se kanë bërë zgjedhjen më të mirë. Por këta zotërinj kanë votuar Edi Ramën, jo të majtën, sepse këtu s’ka asgjë të majtë. Paratë i marrin 10 biznesmenë dhe mijëra shqiptarë marrin akoma një rrogë 250 mijë lekë. Kjo qenka e majta? Këta kanë prodhuar kapitalizmin më të egër në të gjithë Europën lindore. Në asnjë vend tjetër nuk është bërë kjo barbari në shpinë të qytetarëve të tij. Edhe ata që e kanë votuar, të jeni të sigurt, që brenda disa muajsh do të zhgënjehen që i dhanë akoma frymëmarrje një kufome politike që nuk mund të prodhojë kurrgjë për Shqipërinë”, tha Shehi.
Në vijim, kreu i LZHK thekson se çfarë mund të provojnë më shqiptarët, të cilët prej 8 vitesh janë drejtuar nga një Kryeministër si Rama?
“Çfarë do të provojnë më? 8 vite që vriten përnatë, për 3 ditë janë vrarë katër vetë. 8 vite që rrimë te dera Europës. Ore qytetarë të nderuar që keni votuar, po për çfarë keni votuar?”, tha Shehi.
