Një kokteil i vërtetë toksik mohimi, zgjedhja më e keqe dhe mungesa e koordinimit e zhyti botën në një pandemi që mund të ishte shmangur, sipas një raporti të ekspertëve të pavarur, publikuar sot.
Në mënyrë që t’i jepet fund pandemisë COVID-19 sa më shpejt që të jetë e mundur, paneli i pavarur mbi përgatitjen dhe përgjigjen për pandeminë rekomandoi gjithashtu që vendet e pasura që disponojnë mjaftueshëm vaksina të angazhihen për të furnizuar të paktën me një miliardë doza deri në shtator 2021, 92 vende të pafavorizuara.
“Pandemia e COVID-19, që ka shkaktuar vdekjen e më shumë se 3,3 milionë personave, infektuar dhjetëra milionë dhe ka shkatërruar ekonominë botërore mund të ishte shmangur”, sipas ekspertëve të pavarur të mandatuar nga OBSH.
Në një raport të publikuar sot, ata denoncojnë këtë “Çernobil të vërtetë të shekullit 21” dhe kërkojnë urgjentishtreforma të mëdha të sistemeve të paralajmërimit dhe parandalimit.
“Situata në të cilën ne gjendemi sot mund të ishte shmangur”, deklaroi një prej drejtueseve të këtij paneli, Ellen Johnson Sirleaf, ish-presidente e Liberias.
