Në Ditën Ndërkombëtare të Infermierit, Presidenti Ilir Meta ka vlerësuar punën e bluzave të bardha duke e cilësuar punën e tyre heroike gjatë luftës me pandeminë, dhe duke shprehur mirënjohje të thellë.
“Gjatë kësaj krize të rëndë të pandemisë, infermierët kanë bërë një punë heroike, duke luftuar ditë e natë me humanizëm, përkushtim dhe sakrifica të jashtëzakonshme, deri duke rrezikuar jetën e tyre në mbrojtje të shëndetit tonë”,- tha Meta.
Sot, në Ditën Ndërkombëtare të Infermierit, ne u jemi më mirënjohës se kurrë për kujdesin dhe profesionalizmin e dëshmuar në vijën e parë të frontit kundër armikut të padukshëm.”
Meta gjtihashtu ka theksuar se përmirësimi i kushteve të punës dhe rritja e rrogave janë faktor kyç për të frenuar largimin e uniformave të bardha nga Shqipëria.
“Përmirësimi i kushteve të punës dhe trajtimi i duhur financiar është vendimtar për të frenuar largimin e tyre nga vendi dhe rritur standardet e shërbimit tonë shëndetësor”,- përfundoi ai.
