Përballja mes militantëve palestinezë në Rripin e Gazës dhe Izraelit, bëhet gjithnjë e më e ashpër. Më shumë se 1 mijë raketa janë lëshuar që prej mbrëmjes së të hënës në drejtim të Izraelit jugor dhe qëndror, ndërsa sulmet ajrore të ushtrisë së Tel Avivit rrafshuan dy ndërtesa shumëkatëshe të përdorura nga grupi militant Hamas, por edhe civilë.
35 palestinezë, mes të cilëve 10 fëmijë dhe 5 izraelitë janë vrarë në luftimet më të ashpra në vite. Mes viktimave janë edhe 2 drejtues ushtarak të Hamas.
“U themi të gjithëve se ata që ndezën zjarrin në Jeruzalem, Al Aksa dhe Gaza janë pushtuesit Izraelit. Ata janë përgjegjës për pasojat.”, deklaroi lideri i Hamasit.
Izraeli shpalli gjendjen e jashtëzakonshme në qytetin qendror të Lod mes breshërisë së sulmeve me raketa. Një sërë automjetesh morën flakë dhe atë e bijë, të dy arabë të Izraelit u vranë pas një raketë goditi makinën e tyre.
Shpërthime pati edhe në kryeqytetin Tel Aviv. Kryeministri izraelit Benjamin Netanyahu u zotua ta zgjerojë ofensivën, dhe tha se militantët do të paguanin.
“Hamasi dhe Xhihadi Islamik do të paguajnë. Po iu them, do të paguajnë një çmim të rëndë për luftën e tyre.”
Luftimet vijnë pas trazirave disa ditore dhe përballjes së dhunshme mes policisë izraelite dhe protestuesëve palestinezë pranë Xhamisë së Al Aksës ose Malit Tempull, vend I shenjtë si për Islamikët ashtu edhe për Hebrenjtë. Komuniteti ndërkombëtar u ka bërë thirrje të dyja palëve ti japin fund dhunës, e cila sipas të dërguarit të posacëm të OKB po përshkallëzon në luftë të vërtetë.
