Tre shqiptarë dhe dy italianë janë arrestuar në kuadër të një operacioni të finalizuar në Breshia të Italisë në kuadër të goditjes së tregtimit të lëndëve narkotike.
Mediat italiane bëjnë me dije se grupi i goditur nga operacioni “Kristal” është kryer nga policia në bashkëpunimin me drejtorinë e Anti-Mafias.
Hetimet kishin nisur që prej 20 Dhjetorit të vitit 2018 kur asokohe u vu në pranga një shtetas maroken i cili u kap me një kg kokainë. Më pas hetimet e tjera zbuluan furnizuesit me drogë. Trafiku drejtohej nga një shqiptar në një lokal në në Travagliato, i shndërruar në një qendër të vërtetë shpërndarjeje të drogës.
Gjatë hetimit policia ka pikasur një sërë takimesh të shumta, ku trafikanti shqiptar u shiste lëndën narkotike bashkëatdhetarëve të tjerë dhe shtetasve italianë të cilët më pas e nxirrnin në tregun e konsumit.
Lëndë narkotike vinte nga Belgjika dhe Holanda. Më 20 Maj të vitit 2019, policia italiane sekuestroi mbi 15 kg kokainmë që vinte nga Belgjika në bordin e minibusi, me porositës shqiptar.
DENONCO