Ambasadori i OSBE-së: Të hetohen krimet zgjedhore

Për herë të parë pas raportit të ndërmjetëm për zgjedhjet e 25 prillit nga ODIHR-i, Ambasadori i Presencës së OSBE në vendin tonë Vincenzo Del Monaco ka folur për akuzat e opozitës për krimet zgjedhore.

Nga Elbasani, Del Monaco, shprehu besimin e tij për organet shqiptare të drejtësisë në përballjen me krimet zgjedhore.

“Mendoj se të gjithë e kemi lexuar raportin e ndërmjetëm të publikuar nga ODIHR, dhe kur flasim për procesin zgjedhor dhe për krimet që mund të kenë ndodhur, dhe për ankesat që mund të kenë, nuk jam unë ai që më duhet të gjykoj. Unë vetë kam thellësisht besim tek sistemi gjyqësor i republikës së Shqipërisë”, tha ai.

Edhe për vrasjen e Pjerin Xhuvanit, pak ditë para zgjedhjeve, Ambasadori i OSBE tha se shpreson që të zbardhet e gjithë situata.

“Siç u kutohet ne menjëherë pas vrasjes së ndodhur në Elbasan ne bëmë një deklaratë dhe nga ana tjetër besojmë plotësisht se do të ketë hetime të shpejta, dhe hetime mbi atë çfarë ndodhi në Elbasan”.

Vizita e ambasadorit në Elbasan me disa nga aktorë kryesorë të qytetit ishte në kuadër të diskutimeve për rritjen e sigurisë publike.