Pasditen e sotme në qytetin e Durrësit në zonën e Plazhit ka pasur një konflikt që ka përfunduar me përdorimin e armëve të zjarrit. Nga të dhënat e para nuk raportohet për të plagosur.
Abcnews.al ka publikuar pamjet e momentit kur njëri nga personat e përfshirë në konfliktit arrestohet nga efektivët e policisë së qytetit bregdetar.
Zona është e blinduar nga forca të shumta policie, ndërsa grupi hetimor po punon për zbardhjen e plotë të rrethanave të ngjarjes.
Nga Vlora, në Tiranë dhe Durrës në 24 orët e fundit janë regjistruar disa ngjarje kriminale, që kanë lënë dy të vdekur.
