Lojtari i Partizanit, Stenio Junior, është lojtari i momentit në Superiore. Sulmuesi po shënon rregullisht dhe është shumë i rëndësishëm për Partizanin. 29-vjeçari, pas një starti disi të ngadaltë, ka gjetur formën e tij më të mirë dhe po vazhdon të jetë protagonist ndeshje pas ndeshjeje.
Edhe në takimin e fundit kundër Skënderbeut, braziliani gjeti rrugën e rrjetës, duke shënuar një gol tepër të bukur. Pas një kontrolli perfekt të topit brenda zonës, Junior gjuajti më pas me të djathtën për të mposhtur portierin Rexhepi.
Megjithatë, goli i Juniorit nuk mjaftoi që Partizani të marrë tri pikët e plota, pasi Skënderbeu barazoi në pjesën e dytë me anë të Mensah. Për këtë barazim, Zhunior nuk e fshehu zhgënjimin e tij duke thënë se Partizani meritonte më shumë. “Barazimi kundër Skënderbeut nuk ishte rezultati i duhur, meritonim më shumë. Gjithsesi, ne do të vazhdojmë të luftojmë për objektivin tonë deri në sekondën e fundit. Lufta vazhdon”, shkroi braziliani.
