Sezonet po shkojnë drejt fundit në kampionatet kryesore të Evropës. Bayern Munchen dhe Inter u shpallën kampionë zyrtarisht në Gjermani dhe Itali, teksa Manchester City e pengon vetëm matematika për të nisur festën.
Lille është drejt rrëzimit nga froni të PSG në Francë, ndërsa në La Liga do të ketë betejë deri në frymën e fundit. Ndryshe është gara për një biletë në Champions League. Skuadra si Juventus dhe Liverpool rrezikojnë të mos luajnë në turneun e më të mirëve sezonin e ardhshëm.
Faqja zyrtare e transfermarket ka publikuar formacionin më të mirë të lojtarëve që mund të mbeten pa Champions League. Në listë emra si Cristiano Ronaldo, Momo Salah dhe Harry Kane, teksa vlera totale e “titullarëve” prek shifrën e 830 milion eurove.
