Aktori dhe producenti Ermal Mamaqi së shpejti do të sjellë një serial. Para disa ditësh producenti zbuloi gjithashtu edhe disa aktoret që do të jenë protagoniste në këtë serial. Bëhet fjalë për Jonida Vokshin, Klea Huta e Irgen Çela. Por siç duket nuk do të jenë vetëm këta “yjet e serialit”, sepse së fundmi është zbuluar një tjetër emër që do jetë pjesë e tij.
Ermali ka zbuluar se aktorja e radhës që do të përfshihet në serial është një nga vajzat më të komentuara të rrjeteve sociale, Megi Pojani. Kjo e fundit e ka provuar veten si aktore në serialin “LLT” një prodhim i “Anabel Media” dhe në filmin “2 gisht mjaltë”.
Kujtojmë se seriali i Mamaqit mban titullin “H.O.T”, që është akronim dhe domethënien e këtij emri do e zbulojmë më vonë, ndërsa përsa i përket transmetimit, do të jepet në ekran në vjeshtë.
