Një tjetër ngjarje e rëndë është raportuar nga mediat greke këtë mëngjes. Disa grabitës janë futur në një shtëpi, ku kanë torturuar dhe vrarë nënën 20-vjeçare.
Sipas informacioneve bëhet me dije se 20-vjeçarja u gjet e vrarë, në papafingo të shtëpisë pranë krevatit të fëmijës së saj 11 muajsh, ndërsa burri i saj, 32-vjeç, ishte i lidhur pas një karrigeje në dhomën e gjumit.
Pasi kanë vrarë dhe dhunuar burrë e grua, grabitësit kanë rrëmbyer 15,000 euro dhe bizhuteri me vlerë 10-15,000 euro dhe janë larguar.
Dëshmitë e deritanishme tregojnë se vdekja e gruas erdhi nga mbytja. Sipas burimeve thuhet se burri është një pilot i Aviacionit Civil, ndërsa gruaja që ra viktimë e grabitësve të pamëshirshëm ishte studente në Britani.
