Shoqëria civile në Elbasan, e përbërë kryesisht nga gratë është duke zhvilluar një marshim paqësor në shenjë nderimi për kujtimin e grave të vrara.
Marshimi ka nisur nga qendra e qytetit, për t’u ndalur pranë Gjykatës së Elbasanit ku mbeti e vrarë e 54-vjeçarja nga bashkëshorti i saj Koço Buzo, 58 vjeç ish efektiv policie.
Krimi ndodhi sapo gruaja doli nga Gjykata ku kishte ngritur padinë ndaj burrit të saj .
Liliana Buzo, u qëllua pas shpine me tre plumba në trup e për pasojë ndërroi jetë rrugës për në spitalin e Elbasanit.
