Gjatë një operacioni antidrogë të përbashkët mes FRONTEX-it, GDF italiane dhe policisë shqiptare për parandalimin dhe goditjen e trafiqeve të paligjshme është sekuestruar një gomone me 400 kg kanabis dhe një sasi hashash me destinacion tregun italian, ndërsa është arrestuar një i ri nga Vlora.
I arrestuari është shtetasi E. I, 30 vjeç.
Ai ishte drejtuesi i gomones që ishte mbushur me kanabis.
Policia e Shtetit deklaron se është e vendosur për të punuar bashkërisht me partnerët, me qëllim parandalimin dhe goditjen e krimit të organizuar dhe trafiqeve të paligjshme.
FRONTEX njofton se gomonia 6 metra e gjatë që lëvizte me shpejtësi drejt bregdetit italian në jug të Brindisit u ndoq nga një helikopter i Guardia di Finanza. Nëse droga do të dilte në treg do të kapte vlerën e 4 milionë eurove.
