Kryeministri foli për bashkëpunim me Partinë Demokratike, reagon PD: Rama, autori i masakrës elektorale

Partia Demokratike ka reaguar pas deklaratave të kryeministrit Edi Rama, i cili edhe këtë të Hënë ftoi për bashkëpunim Partinë Demokratike.

Në një reagim, PD shprehet se, Edi Rama është autori i masakrës elektorale dhe tjetërsimit të vullnetit të shqiptarëve për ndryshim.

“Me qëllim që të largojë vëmendjen ai vazhdon gënjeshtrat, manipulimet dhe diversionet. Vjedhja e zgjedhjeve nga Rama-Doshi-Rakipi e çuan vendin tonë drejt një masakre masive elektorale, ku viktimat janë qytetarët shqiptarë dhe e ardhmja e tyre. Detyra jonë ndaj shqiptarëve është të qëndrojmë të vendosur dhe të luftojmë fort për kthimin e demokracisë në vend”, thuhet në reagimin e PD.

“Asnjë diversion nuk do të na ndalë në këtë betejë, duke filluar me shpalosjen e fakteve, provave dhe të dhënave që dëshmojnë pëmasën e plotë të masakrës zgjedhore nga regjimi Rama-Doshi-Rakipi”, vijon më tej PD.