Godet me thikë italianin, arrestohet i riu shqiptar

 

Një ngjarje e rëndë ka ndodhur në Romë të Italisë mbrëmjen e së dielës, ku një shqiptar goditi me thikë një italian.

Sipas informacioneve bëhët me dije se sherri ka nisur në një piceri, ku pas një konflikti verbal, 23- vjeçari shqiptar e godet me thikë italianin duke e lënë të plagosur.

Policia ka mbërritur në vendngjarje, ku ka arrestuar shqiptarin, dhe ka shoqëruar për në komisariat 4 italianë dhe 2 shqiptarë të tjerë të cilët ishin përfshirë në sherr.

Ndërkohë, i plagosuri italian u dërgua në spital dhe gjendja e tij paraqitet jashtë rrezikut për jetën.