Shkumbini arriti të siguronte matematikisht rikthimin në Kategorinë e Parë. Skuadra e drejtuar nga trajneri Pashja, mposhti Ilirinë me rezultatin 3-0, duke mbyllur të gjitha llogaritë, 2 javë nga fundi i kampionatit.
Në përfundimin e sfidës së sotme, futbollistët e ekipit peqinas, kanë festuar me tifozët e pakët të pranishëm në tribunën qendrore të stadiumit. Vlen të theksohet fakti, se Shukumbini u dënua sezonin e kaluar nga Komisioni i Disiplinës me zbritjen në Kategorinë e Dytë, pas dhunës në ndeshjen ndaj Dinamos, ku tifozët peqinas kapërcyen kangjellat e rrethimit të stadiumit, teksa u futën në fushë dhe sulmuan fizikisht gjyqtarin Sokol Bebja.
Aventura e Shkumbinit në të Dytën, zgjati vetën një sezon, pasi skuadra peqinase arriti të siguronte menjëherë rikthimin në Kategorinë e Parë.
