Do të luhet duke filluar nga ora 19:00, ndeshja mes Skënderbeut dhe Partizanit, e vlefshme për javën e 32-të të Kategorisë Superiore.
Duke parë objektivat dhe formën që po kalojnë të dyja skuadrat, ajo e Korçës mund të quhet edhe si kryendeshja e javës dhe për këtë arsye është vlerësuar maksimalisht nga FSHF. Për këtë sfidë, janë caktuar 6 arbitra.
Kryesor është Eldorjan Hamiti, i ndihmuar nga anësorët Ridiger Cokaj dhe Emigers Ganxhi, ndërkohë që arbitër i katërt është vendosur Ilir Trataraj. Ndërkaq dy asistentët e tjerë shtesë janë Enea Jorgji dhe Kreshnik Cjapi.
