Një 55-vjeçarin u arrestua mbrëmjen e djeshme nga policia në Këlcyrë pasime armë në dorë e fishek në fole gati për qitje ishte nisur drejt banesës së një shtetasi me të cilin ishte konfliktuar më parë.
Policia sqaroi se Seit Alikollari, në gjendje të dehur, pas një konflikti për motive të dobëta me shtetasin A.S., ka shkuar në banesë ku ka marrë një armë zjarri dhe është drejtuar për në banesën e shtetasit A.S.
Shërbimet e Policisë, pas informacioneve të marra në rrugë operative se ky shtetas po qarkullonte me armë dhe mund të përfshihej në ngjarje kriminale, kanë ushtruar kontroll të imtësishëm të territorit dhe si rezultat, në afërsi të qendrës së qytetit Këlcyrë, kanë konstatuar Seit Alikollarin, i cili lëvizte më një armë zjarri kallashnikov me vete.
Në momentin e ndërhyrjes së shërbimeve të Policisë, Seit Alikollari iu ka drejtuar punonjësve të Policisë armën të cilën e kishte me fishekë në fole gati për qitje. Megjithatë, efektivët ndaluan e arrestuan autorin.
Shërbimet e Policisë kanë sekuestruar në cilësinë e provës materiale armën e zjarrit automatik dhe 2 krehra me fishekë luftarak.
