Gjykata e Vlorës ka lënë në burg pesë punonjësit e Rojes Bregdetare të Forcës Detare në Vlorë, të cilët u arrestuan një ditë më parë me kërkesë të prokurorisë.
Punonjësit akuzohen për veprën penale të shpërdorimit të detyrës të kryer në bashkëpunim, dhe ndalimi i tyre ka lidhje me ngjarjen e 8 janarit të këtij viti kur Roja Bregdetare Shqiptare shpëtoi me dhjetëra sirianë, të cilët ishin imbarkuar në një gomone me qëllimit trafikimin e tyre drejt Italisë.
Nga hetimet e kryera dyshohet se 5 punonjësit kanë marrë një shumë të konsiderueshme parash, dhe kanë lejuar qëllimisht largimin e drejtuesit të gomones.
Por në gjykatë, të ndaluarit kanë mohuar të gjitha akuzat, duke thënë se janë të pafajshëm dhe se duhen vlerësuar si heronj për shpëtimin e klandestinëve.
