Policia e Shkodrës ka raportuar ditën e sotme një konflikt mes dy shtetasve, dhe ka arrestuar në flagrancë shtetasin E. N., 17-vjeç banues në Bardhaj, Shkodër.
Ky shtetas është akuzuar nga një moshatare, 17-vjeçare, se hapte llogari false në rrjetet sociale, me të dhënat dhe fotot e saj, dhe pasi janë konfliktuar, djali ka qëlluar me armë zjarri në drejtim të banesës së vajzës.
Gjatë kontrollit të ushtruar, në banesën e 17-vjeçarit dhe ambientet përreth saj, shërbimet e Policisë, kanë gjetur dhe sekuestruar edhe armën e zjarrit “pushkë” me të cilën dyshohet se ka qëlluar në drejtim të banesës.
Materialet iu dë rguan Prokurorisë së Rrethit Gjyqësor Shkodër, për veprat penale “Ndërhyrja në të dhënat kompjuterike“, “Kanosja“, “Armëmbajtja pa leje” dhe “Prishja e qetësisë publike”.
