Festoi 2-vjetorin e lindjes, ja se si e uroi familja mbretërore djalin e Meghan dhe Princit Harry

Djali i Meghan Markle dhe Princit Harry, Archie, festoi 2-vjetorin e lindjes. Me ngjarjet e fundit që kanë ndodhur, e gjithë vëmendja ishte tek qëndrimi që do të mbante familja mbretërore, por e para që e ka uruar të voglin ka qenë vetë Mbretëresha.

Në llogarinë zyrtare në Twitter, ajo shkroi për stërnipin e saj: “I urojmë Archie Mountbatten-Windsor një ditëlindje të 2-të shumë të lumtur“.

Postimi u shpërnda së bashku me një fotografi të Dukës dhe Dukeshës së Sussex me djalin e tyre, të shkrepur disa ditë pasi ai erdhi në jetë.

Duke pasur parasysh mungesën e fotove zyrtare të Archie të vogël, Kate Middleton dhe William janë detyruar të ripostojnë foton e tij të pagëzimit për t’i uruar ditëlindjen.