Vodhën metale tek ish-uzina në Laç dhe goditën me gurë automjetin e policisë, arrestohen

 

Policia e Tiranës ka arrestuar dy të rinj, pasi akuzohen se kanë vjedhur metale tek ish-uzina në Laç.

Ngjarja ka ndodhur mëngjesin e sotëm, ku shtetasit me iniciale G. A., 25-vjeç dhe R. L., 32-vjec, u kapën në flagrancë nga shërbimet e Policisë me mjetin tip kamionçinë të ngarkuar me hekur, të cilin dyshohet se e kishin vjedhur tek ish-uzina në Laç.

Gjatë shoqërimit të tyre në Komisariatin e Policisë Kurbin, shtetasi R. L. ka dëmtuar me gurë automjetin e Policisë.

 

Materialet i kaluan Prokurorisë së Rrethit Gjyqësor Kurbin, për veprime të mëtejshme, për veprën penale “Vjedhja” kryer në bashkëpunim dhe “Shkatërrimi i pronës”.