Socialistët kërkojnë shkarkimin/ Meta, sot në Komisionin e Ligjeve

 

Komisioni kuvendor i Ligjeve do të mblidhet sot për të diskutuar kërkesën e 49 deputetëve të mazhorancës për shkarkimin e Presidentit, Ilir Meta.

 

Kreu i shtetit, akuzohet nga socialistët se ka shkelur Kushtetutën me thirrjet për dhunë që bëri gjatë fushatës elektorale.

Por me anë të shkrimit të një letre, Meta u përgjigj duke thënë se kjo nismë synon shmangien e vëmendjes nga problematikat reale që sipas tij po evidentohen dita ditës mbi procesin zgjedhor.

Prandaj, duke e konsideruar këtë nismë si keqpërdorim të veprimtarisë ligjvënëse, Meta, i kërkon Kuvendit që më parë të hetojë të gjitha pretendimet për krime zgjedhore.