Shehi: Edhe PD nuk është e mbushur me engjëj, nuk më shqetëson se u shitën ca fukarenj

Dashamir Shehi, kreu i LZHK, tha mbrëmjen e sotme në “Opinion” se më 25 prill nuk pati një përballje mes PS dhe PD, por një përballje mes shtetit dhe një partie politike.

Shhehi tha se jo s’e PD kur ka qenë në pushtet nuk i ka blerë votat, pasi nuk është se PD-ja është e mbushur me ëngjëj, por PS ka bërë gjithçka më 25 prill.

“Edhe PD-ja kur ka qenë në pushtet i ka bërë këto gjëra, por jo në këtë dimension. Nuk është puna që dy tifozë, një i PD-së dhe një i PS-së dhe ky i PS-së është bujar dhe hedh pare për të mundur PD-në. nnuk është puna kështu sepse do të ishte shumë bukur. Puna është se ky i PS-së përdor shtetin, paratë e shtetit. Për mua krimi më i rëndë është kjo e patronazhistëve. Ky është krimi më i madh, jo u shitën ca fukarenj aty e atje, nuk më shqetësojnë fare. E kuptoni se çfarë ka ndodhur? Këto edhe një zyrtari të shtetit i venë pas një njeri, një lapangjoz, dhe u thonë ne ju kontrollojmë, njëlloj si sigurimi i shtetit”, tha Shehi.

Blendi Fevziu: Nuk të shqetëson fare?

Dashamir Shehi: Jo, më shqetëson se ky ka marrë në pushtet 900 mijë njerëz dhe u ka vënë një aty për tu thënë se ju përgjoj unë ju, ju kam në dorë. Kjo është Sigurim Shteti, përgjim deri në qelizë. Kemi edhe vota të blera nga ana e milionerëve e…edhe këtej nga ana jonë ka, nuk më vjen mirë, por ka.