Premier Liga e Anglisë njoftoi se në kuadër të lehtësimit të kufizimeve kundër koronavirusit të ri (COVID-19), ekipet vendase do të mund të hapin stadiumet e tyre me një kufizim të caktuar të numrit të tifozëve.
Në një njoftim të publikuar në faqen web të Premier Ligës thuhet se kjo do të mund të zbatohet në dy javët e fundit të ligës dhe kështu çdo ekip një ndeshje do të mund të luajë para tifozëve.
Sipas vendimit, në ndeshjet e javës së 37-të që do të luhen më 18 dhe 19 maj, si dhe ndeshjet e javës së fundit që do të luhen më 23 maj të dielën, një numër i kufizuar i tifozëve do të mund të marrë pjesë në stadiume.
Gjithashtu në njoftim theksohet se ndalesa për tifozët e klubit pritës është vendosur për shkaqe të vështirësisë operacionale pas negociatave të bëra me klubet. Po ashtu është marrë vendimi që numri i tifozëve të ngrihet në maksimum.
Në njoftim thuhet se në plan të parë do të jetë siguria e tifozëve, ndërsa klubet kanë plane të caktuara për hyrje dhe dalje nga stadiumet.
