Kukësi nis të shpërbëhet, lojtari titullar largohet para mbylljes së sezonit

“Firo” te Kukësi para ndeshjes me Vllazninnë që do të luhet ditën e nesërme. ABC News”, bën me dije se mbrojtësi titullar, Numan Kurdic është larguar ditën e sotme dhe nuk do të jetë më pjesë e skuadrës.

22-vjeçari erdhi në formë huazimi nga Sarajevo, por është larguar pa u mbyllur ende sezoni në Kategorinë Superiore.

Në këtë mënyrë trajneri Mirel Josa duhet të bëjë llogaritë pa Kurdic që këtë sezon luajti 15 ndeshje mes kampionatit dhe Kupës dhe shënoi një gol. Tashmë pritet edhe një njoftim zyrtar përsa i përket largimit të mbrojtësit nga Bosnje-Hercegovina.

Kukësi po kalon një sezon mjaft të vështirë duke mos përmbushur pritshmëritë e para startit të sezonit dhe gjatë merkatos së verës priten ndryshime rrënjësore në skuadër.