Analisti Baton Haxhiu teksa ka komentuar të djathtën në studion e emisionit “Opinion”, vuri në dukje edhe ato pika që sipas tij nuk funksionuan në fushatën e PD-së.
Ai tha ndër të tjera, se një pjesë e kandidatëve nuk kanë zbritur në terren për të siguruar vota.
Pjesë nga biseda në studio
Fevziu: Mirë apo keq fushata e Partisë Demokratike?
Haxhiu: Unë e kam deklaruar dhe më herët, PD ka bërë fushatë të mirë të liderit, por jo të shtrirjes së deputetëve. 72 deputetë nuk kanë vota dhe janë në parlament dhe 72 deputetë nuk kanë zbrit në secilën shtëpi për të marr vota.
Defektet e PD-së kanë qenë se në disa zona janë dorëzuar herët dhe nuk e dinë se sistemi në qarqe u kishte mundësuar edhe fitoren.
Mos harroni se 5 -6 deputetë janë humb vetëm për 1800 vota. Nëse dikush kish pas përkujdesje aritmetike beteja kishte me qenë më e ashpër.
Fevziu: Cila ishte karta më e fortë?
Haxhiu: Fushata e koncentruar në një lider, që është menduar se do të forcohet pozita e liderit të PD përkarshi një superlideri të PS. PS është e koncentruar në betejën publike të liderit.
Nëse strategjia e PD do të ishte lideri + të tjerët dhe lideri + shtrirja në secilën shtëpi për të kërkuar votat…. Shikoni votat e 15 të parëve në listë dhe do të shihni se ku janë defektet.
