Një tregtar droge që grumbulloi kokainë nën dërrasat e dyshemesë është urdhëruar të dorëzojë më shumë se gjysmë milioni paund nga perandoria e tij kriminale.
Agim Toska po shiste drogë të llojit kokainë në Eastbourne.
Policia bastisi një shtëpi në Ashford Road ku gjeti kokainë me vlerë 75,000 £ nën dysheme dhe pesë kilogramë kanabis me vlerë rreth 50,000 paund.
Operacioni i tregtisë së drogës nga Toska u zbërthye ndërsa kontrollet në shtëpinë e tij gjetën më shumë para, telefona celularë dhe letra që e lidhnin atë me vepra kriminale.
26-vjeçari ishte burgosur më parë për nëntë vjet dhe shtatë muaj për tregtinë e drogës.
Këtë javë, ai u paraqit përsëri në gjykatë ku u zbulua se kishte krijuar 656,000 £ nga aktiviteti i tij.
Gjykatësi Janet Ëaddicor e urdhëroi atë të paguante 511,668 paund, përndryshe mund të përballej me shtatë vjet shtesë pas hekurave.
Më parë, mediat lokale britanike zbuluan se si Toska nga Shqipëria, ishte pjesë e një treshe që shiste drogë në Sussex. ADN-ja e tij përputhej me testet mjeko-ligjore në pronën në Ashford Road në 2019.
Policia ndaloi gjithashtu një Toyota Yaris në Sheshin Hoëard në korrik të atij viti dhe gjeti Artur Shuli, një shitës automjetesh, ndaj të cilit ishte lëshuar një urdhër-arresti evropian nga Italia gjithashtu për shitje të drogave të forta.
Njeriu i tretë ishte Marsel Toska, kushëriri i Toskës, i cili u ndalua dhe u kontrollua ndërsa iu afrua një makine në Devonshire Place.
Ai kishte një çantë që përmbante 16,000 £. Një kontroll i banesës së tij zbuloi drogë, qese plastike, 2,000 £ para dhe një pasaportë false.
Në gusht 2019, Agim Toska, u burgos për nëntë vjet e shtatë muaj për trafik kokaine dhe kanabiso dhe posedimin e pasurisë kriminale.
Marsel Toska u burgos për gjashtë vjet e nëntë muaj për kokainë dhe posedim të identifikimit të rremë. Ndërsa Artur Shuli u shfaq në të njëjtën ditë dhe u dënua me gjashtë vjet për furnizim kokaine. Të tre burrat pranuan akuzat.
