Finalja e këtij edicioni në Uefa Champions League është tërësisht angleze. Pas Manchester City-t, skuadra tjetër e kualifikuar është Chelsea.
“Blutë” arritën të mposhtin mbrëmjen e sotme 2-0 Realin e Madridit, duke siguruar finalen e madhe. Ndeshja e parë e luajtur në Spanjë u mbyll në barazim 1-1, ndërsa anglezët triumfojnë me rezultatin e përgjithshëm 3-1.
Gjatë mbrëmjes së sotme, Chelsea, triumfoi falë dy golave në secilën pjesë. Rezultati u zhbllokua në minutën e 28-të nga Timo Werner. Sulmuesi gjerman, nuk fali me portën e boshatisur, pas traversës të Havertz. Për t’i vënë kapak sfidës mendoi Mason Mount në minutën e 85-të duke rikthyer “Blutë” në finale pas 9 vitesh.
Finalja e sezonit 2020-2021 e Champions Leage luhet më 29 maj në Stamboll ku trofeun e diskutojnë pikërisht Man.City dhe Chelsea.